މިނިސްޓްރީ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރ އިން ރާއްޖޭގެ 3 ހިސާބެއްގައި މުޅިން އަލަށް މަސްކަނދުފަތި އަޅައިފިއެވެ. މިއީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުގެ ރިޔާސީ ވައުދުތަކުގެ ތެރޭގައި ހިމެނޭ ކަމެކެވެ.
މިނިސްޓްރީ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރ އިން މަސްކަނދުތައް އަޅާފައިވަނީ ކ. ކާށިދޫގެ އުތުރުން 4.5 މޭލު ބޭރުގައާއި، ތ. ވިލުފުށި އިރުން 9 މޭލު ބޭރުގައި އާއި ތ. ގާދިއްފުށީގެ އިރުދެކުނުން 8 މޭލު ބޭރުގައެވެ.
ރިޔާސީ ވައުދު ފުއްދުމަށް ކ.ކާށިދޫ ކައިރީ އަޅާ މަސްކަނދުަ, ކާށިދޫގެ އުތުރުން 4.5 މޭލު ބޭރުގައި އަޅައިފި. މިއީ، ކާށިދުއަށް ކަނދެއް އަޅާދިން ފުރަތަމަ ފަހަރު. މިކަނދުގެ ނަންބަރަކީ #G09V01 pic.twitter.com/FuSWagTuzZ
— Min. of Fisheries, Marine Resources & Agriculture (@MoFMRAmv) May 12, 2022
ފިޝަރީޒް މިނިސްޓްރީން ބުނީ މިއިން ކޮންމެ ސަރަހައްދެއްގައި އަޅާފައިވާ ކޮންމެ މަސްކަނދަކަށް ޚާއްސަ ނަންބަރެއްވެސް ދީފައިވާ ކަމަށެވެ. އަދި މިއީ މި ސަރަހައްދުތަކުގައި މަސްކަނދުފަތިތައް އެޅި ފުރަތަމަ ފަހަރުކަމަށްވެސް އެ މިނިސްޓްރީން ބުނެއެވެ.
އާންމުގޮތެއްގައި މަސްކަނދަކީ، ރާއްޖޭގައި މަސްވެރިކަމުގެ ޚަރަދު ކުޑަކުރުމުގެ ގޮތުން އަޅަމުން އަންނަ އެއްޗެކެވެ. އެގޮތުން މަސްވެރިކަމުގެ ޚަރަދުތައް ކުޑަކުރުމަށް މަސްކަނދު ވިއުގަ އިތުރަށް ފުޅާ ކުރުމަކީ މިނިސްޓްރީގެ އަމާޒެކެވެ.