ސަޢުދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒު އަދިވެސް އޮންނެވީ ހަސްފަތާލުގައި އެނދުމަތިކޮށްފައިކަމަށާއި ނަމަވެސް ޙާލުކޮޅު ރަނގަޅުކަމަށް އެ ޤައުމުގެ ޝާޙީ ގަނޑުވަރުން ބުނެފިއެވެ.
ސަޢުދީ ޢަރަބިއްޔާގެ ޝާޙީ ގަނޑުވަރުން ބުނެފައިވަނީ ސަލްމާނު ރަސްގެފާނު އެނދުމަތިކޮށްފައިވަނީ ޖިއްދާގައި ހުންނަ ކިންގު ފައިޞަލް ސުޕެޝަލިސްޓު ހޮސްޕިޓަލުގައިކަމަށެވެ. އެ ހަސްފަތާލުގައި ޞިއްޙީ ތަޙުލީލުތަކެއް ސަލްމާނު ރަސްގެފާނު ފުރިހަމަކުރައްވާފައިވާކަމަށްވެސް ޝާޙީ ގަނޑުވަރުން ބުނެފައިވެއެވެ. އަދި ސަލްމާނު ރަސްގެފާނު ހަސްފަތާލުގައި ކުޑަ ދުވަސްކޮޅަކު އަރާމުކުރެއްވުމަށް މަޑުކުރެއްވުމަށް ޑަކްޓަރުން ލަފާދީފައިވާކަމަށްވެސް ޝާޙީ ގަނޑުވަރުން ނެރުނު ބަޔާނެއްގައި ބުނެފައިވެއެވެ. ނަމަވެސް ސަލްމާނު ރަސްގެފާނު ހަސްފަތާލުގައި އޮންނަވާނެ މުއްދަތެއް އަދި ނޭނގެއެވެ.
ޢުމުރުފުޅުން 86 އަހަރުގެ ސަލްމާނު ރަސްގެފާނުވަނީ 2020ވަނަ އަހަރުގެ ތެރޭގައި ފިތުގެ އޮޕަރޭޝަނެއް ކުރައްވައިފައެވެ. އަދި މިދިޔަ މާރިޗު މަހުގެ ތެރޭގައި ހިތުގެ ޕޭސްމޭކަރުގެ ބެޓަރީ ބަދަލުކުރައްވާފައިވެއެވެ. އެ މަނިކުފާނު ސަޢުދީ ޢަރަބިއްޔާގެ ރަސްކަމަށް ވަޑައިގެންފައިވަނީ 2015ވަނަ އަހަރުގެ ތެރޭގައެވެ.