އެއަރ އޭޝިއާގެ ޝެޑިއުލް ދަތުރުތައް މެލޭޝިއާއިން ރާއްޖެއަށް އަލުން ފަށައިފިއެވެ. މި ދަތުރުތައް އަލުން ފަށާފައިމިވަނީ ކޯވިޑް-19އާ ގުޅިގެން މެދުކަނޑާލުމަށްފަހުއެވެ. މެދުކެނޑުމަކަށްފަހު އައި އެއަރއޭޝިޔާގެ ފުރަތަމަ ފްލައިޓުން ރާއްޖެއަށް 150 ފަސިންޖަރުންވަނީ އައިސްފައެވެ.
އެއަރ އޭޝިއާގެ ޝެޑިއުލް ދަތުރުތައް އަލުން ރާއްޖެއަށް ފަށާފައިވާއިރު ހަފްތާއަކު 2 ދަތުރު ބާއްވާނެކަމަށް އެމްއޭސީއެލްއިން ވިދާޅުވެއެވެ. އެއީ ހަފްތާގެ އަންގާރަ އަދި ހޮނިހިރު ދުވަހުއެވެ.
We are thrilled to announce the resumption of scheduled flights by @airasia to the #Maldives ??✈️??#VelanaAirport | #NowEveryoneCanFly | #VisitMaldives pic.twitter.com/67vBGvAgOF
— Velana Airport (@VelanaAirport) May 3, 2022
މެލޭޝިއާގެ އެއަރ އޭޝިއާގެ ދަތުރުތައް އަލުން ރާއްޖެއަށް ފެށުމާއި ގުޅިގެން އެ ސަރަހައްދުން ރާއްޖެއަށް އަންނަ ފަތުރުވެރިންގެ އަދަދު އިތުރުވާނެކަމަށް ބެލެވެއެވެ. ކޯވިޑް-19 އަށްފަހު މެލޭޝިއާއިން ރާއްޖެ އަންނަ ފަތުރުވެރިންގެ އަދަދު އުޅެނީ ވަރަށް ދަށުގައެވެ.
މިއަހަރުގެ ފުރަތަމަ 3 މަސްދުވަހު މެލޭޝިއާއިން ރާއްޖެ އައިސްފައިވަނީ 582 ފަތުރުވެރިންނެވެ. ނަމަވެސް މިއީ މިދިޔަ އަހަރާއި އަޅާބަލާއިރު އިތުރުވުމެކެވެ. މިދިޔަ އަހަރުގެ ފުރަތަމަ 3 މަސްދުވަހު މެލޭޝިއާއިން ރާއްޖެ އައީ 69 ފަތުރުވެރިންނެވެ.