ދިވެހި ޒުވާނުން ތަކެއް ގުޅިގެން އުފައްދާފައިވާ އެނިމޭޝަންސްއަށް ޚާއްސަ ކުންފުނި ނުވަތަ ޕްލެޓްފޯމް ލޮޓީފައިލްސް އިން ދުނިޔެއަށް ނުކުމެ އިތުރު 37 މިލިއަން ޑޮލަރުގެ އިންވެސްޓްމަންޓް ހޯދައިފިއެވެ. އެއީ ދިވެހި ރުފިޔާއިން ނަމަ 571.7 މިލިއަން ރުފިޔާއެވެ.
ރާއްޖޭގެ އެންމެ ތަޖުރިބާކާރު އެއް ޑިވެލޮޕަރު ނަސްރުﷲ އަދުނާން (ނައްޓު) އިސް ދައުރެއް އަދާކޮށްގެން ފެށި ބައިނަލްއަގުވާމީ ޓެކްނޮލޮޖީ ކުންފުންޏަށް ސީރީޒް ބީ ނުވަތަ އިންވެސްޓްމަންޓް ހޯދުމުގެ ދެވަނަ ބުރުގައި 37 މިލިއަން ޑޮލަރު ލިބުނުކަން އިއުލާނު ކުރުމާއެކު ރާއްޖޭގެ ޓެކޮނޮލޮޖީ އަދި އެންވަޔަރަންމަންޓް މިނިސްޓަރު އައިމިނަތު ޝައުނާ ވަނީ އެ ކުންފުނީގެ ފައުންޑަރުންނަށް މަރުހަބާ ކިޔާފައެވެ. އަދި މިނިސްޓަރ ވަނީ ދިވެހިންތަކެއް އިސްވެ ތިބެ މިފަދަ މަސައްކަތްތަކެއް ކުރައްވާތީ އެކަމަށް އުފާކުރައްވާ ކަމަށް ވިދާޅުވެފައެވެ.
މި އިންވެސްޓުމެންޓަށް xyz ވެންޗަރ ކެޕިޓަލް، ގްރޭޓްޕޮއިންޓް ވެންޗަރސް އަދި ކުރީގެ އިންވެސްޓަރުން ކަމުގައިވާ 500 ސްޓާރޓަޕްސް އަދި މައިކްރޮސޮފްޓްގެ ވެންޗަރ ފަންޑް އެމް 12 އިންވެސް އިންވެސްޓުކުރިއެވެ.
Excellent news and congratulations to @LottieFiles. Very proud of the Maldivian team driving this to make design and animation accessible to everyone. https://t.co/bnHsUTeoaP
— Shauna Aminath ?❓ (@anuahsa) May 4, 2022
ލޮޓީފައިލްސްއިން ބުނީ އެ އިންވެސްޓްމެންޓް ޚަރަދުކުރާނީ ޕްރޮޑަކްޓްގެ ރޯޑްމެޕް ފުޅާކުރުމަށާއި އިތުުރުވަމުން އަންނަ ޔޫޒަރ ބޭސް އަށް ޚިދުމަތްދިނުމަށް އެކުންފުނީގެ އޮޕަރޭޝަންސް ފުޅާކުރުމަށް ކަމަށެވެ. މިއާއެކު އައު ޑިޒައިން ވޯކްފްލޯރ އަދި ކޮލަބޮރޭޝަން ސޮލިއުޝަނެއް މިއަހަރު އުފެއްދުމަށްވެސް ޚަރަދު ކުރާނެކަމަށް އެކުންފުނިން ބުނެއެވެ. މި އުފެއްދުންތަކާއެކު ލޮޓީފައިލްސް ބޭނުންކޮށްގެން ޑިޒައިނަރުންގެ އުފެއްދުންތަކުން 15 ގަޑިއިރު ސަލާމަތްކޮށް %80 ވަގުތު ކްރިއޭޓިވިޓީއަށް އަމާޒުކުރަން އެހީތެރިވެދޭނެއެވެ. ލޮޓީފައިލްސް ބޭނުންކޮށްގެން ވަކި ވަކި ޕްލެޓްފޯރމުތަކަށް ކޯޑުނުކޮށް މޯޝަން ގްރެފިކްސް ލުމުގައި މޯޝަން ޑިޒައިނަރުން އަދި ޑިވެލޮޕަރުންގެ އެތައް ހަފްތާއެއްގެ ވަގުތު ސަލާމަތްކުރެވެއެވެ.
lottiefiles.com ވެބްސައިޓްގައި މިހާރު ދުނިޔޭގެ އެކި ކަންކޮޅުތަކުގައި 135،000 އަށް ވުރެ ގިނަ ކުންފުނިތަކުގެ ޔޫޒަރުން ގުނާއިރު، އޭގެ ތެރޭގައި ދުނިޔޭގައި ފަހާގަކޮށްލެވޭ ކުންފުނިތައް ހިމެނެއެވެ. އެގޮތުން ގޫގުލް، ޓިކްޓޮކް، ޑިޒްނީ، އޫބަރ، އެއާބީއެންބީ އަދި ނެޓްފްލިކްސްގެ އެނިމޭޝަން ޑިޒައިނަރުންނާއި މޯޝަން ޑިޒައިނަރުން ހިމެނެއެވެ.
ލޮޓި ފައިލްސްއިން 2021 ވަނަ އަހަރުގެ ޖެނުއަރީ މަހު މައިކްރޯސޮފްޓް ވެންޗާ ފަންޑް އެމް12 އިން ސީރީޒް އޭ ފަންޑިންގައި ނުވަ މިލިއަން ޑޮލަރު ހޯދިއިރު، އެ ދުވަހުން ފެށިގެން އެ ކުންފުނީގެ ގްރޯތް އިތުރުވެ ރެޖިސްޓާޑް ޔޫޒަރުންގެ 160 ޕަސެންޓް ގެ ކުރިއެރުމެއް ވަނީ ހޯދާފައެވެ. ސީރީޒް އޭ ފައިނޭންސިންގ ގެ ސަބަބުން އެކުންފުންޏަށް ޑިޒައިން އެސެޓް ލައިބްރަރީއެއް ހޯދުމާއި، އެކުންފުނީގެ އޮޕަރޭޝަންތަކާއި ޓީމް ދުނިޔޭގެ އެކި ކަންކޮޅުތަކުގައި 100 އަށްވުރެ ގިނަ މުވައްޒަފުންނަށް ފުޅާކުރުމާއި، ފުޅާވެފައިވާ ޔޫޒަރ ބޭސްއަކާއެކު ލޮޓީ އަށް މިހާރަށްވުރެ ފުޅާ ދާއިރާއެއްގައި އެޑޮޕްޓް ކުރުމުގެ ފުރުސަތު ފަހިވެގެން ދިޔައެވެ.