ހުޅުމާލެ ރެސްޓޯރެންޓްއެއްގައި ބިދޭސީއަކަށް ހަމަލާދީ މަރާލައިފިއެވެ.
ފުލުހުން ވިދާޅުވީ މަރާލާފައިވާ މީހާއަކީ ބަންގްލަދޭޝްގެ ފިރިހެނެއް ކަމަށެވެ. މި ހާދިސާއާ ބެހޭ ގޮތުން ފުލުހުން އިރުތަށް ވިދާޅުވީ ހުޅުމާލޭގެ ރެސްޓޯރެންޓެެއްގައި ތޫނު އެއްޗަކުން މީހަކަށް ހަމަލާދީފައިވާ ކަމުގެ ރިޕޯޓު ލިބިގެން އެ ސަރަހައްދުގައި ފުލުހުން ހަރަކާތްތެރިވަމުންދާ ކަމަށެވެ.
މީގެ އިތުރުން، އަނިޔާ ލިބުނު މީހާ ހޮސްޕިޓަލަށް ގެންދިޔަ ކަމަށާއި އޭނާ މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ވިދާޅުވެއެވެ.
ޕީއެސްއެމް ނިއުސްއަށް މަޢުލޫމާތު ލިބިފައިވާގޮތުގައި މިޙާދިސާ ހިނގާފައިވަނީ ހުޅުމާލޭގައި ހުންނަ "ޚާންޖީ" ރެސްޓޯރެންޓުގައި މަސައްކަތްކުރާ ދެ ބިދޭސީއެއްގެ ދެމެދުގައެވެ. އެދެމީހުންގެ ދެމެދުގައި ހިނގި ހަމަނުޖެހުމެއްގައި ބަންގްލަދޭޝް މީހާ މަރާލާފައި، އޭނާއަށް ޙަމަލާދިން ޕާކިސްތާނު މީހާ ވަނީ ފިލާފައިކަމަށް މަޢުލޫމާތު ލިބެއެވެ. އަދި އޭނާ ހޯދުމުގެ މަސައްކަތް ފުލުހުން ކުރަމުންދާކަމަށްވެސް މަޢުލޫމާތު ލިބެއެވެ.
Muhammad Abid, a 26-year-old male Pakistani national is wanted in suspicion of this homicide.
— Maldives Police (@PoliceMv) April 16, 2022
The suspect is deemed dangerous and we urge public not to approach him and call 119 if seen. 2/2 pic.twitter.com/u6Rnn5EVIL
މިޙާދިސާގައި ބަންގްލަދޭޝް މީހާ މަރާލާފައި، ފިލައިގެން އުޅޭކަމުގެ ތުހުމަތުގައި ޕާކިސްތާނު މީހާ ހޯދަން ފުލުހުންވަނީ ޢިއުލާންކޮށްފައެވެ. އެއީ ޢުމުރުން 26 އަހަރުގެ މުޙައްމަދު އާބިދު ކިޔާ ޕާކިސްތާނު މީހެކެވެ.