މިނިސްޓްރީ އޮފް އިސްލާމިކް އެފެއާޒާއި މިނިސްޓްރީ އޮފް ޔޫތް ސްޕޯޓްސް އެންޑް ކޮމިއުނިޓީ އެމްޕަވަރމެންޓާ ގުޅިގެން މިރޭ ހުޅުމާލޭގައި ހާއްސަ ދަރުސެއް ބާއްވަން ނިންމައިފިއެވެ.
ޝައިޚް އިބްރާހީމް މެންކް ދެއްވާ މި ދަރުސް އޮންނާނީ ހުޅުމާލޭ ޣާޒީ ސްކޫލުގައި މިރޭ 21:00 ގައެވެ. ”ސީކިން ސޮލޭސް” ނުވަތަ ”ހިތްހަމަ ޖެހުން ހޯދުން” މި މަޢުޟޫއަށް ކުރިއަށް ގެންދާ މި ދަރުހަކީ ޒުވާނުންނާ ގުޅޭ ގޮތަށް އިނގިރޭސި ބަހުން ކުރިއަށް ގެންދާ ދަރުހެކެވެ.
ޝައިޚް އިބްރާހީމް މެންކްއަކީ ޒިންބާބުވޭގެ މަޝްހޫރު ދާޢީ، މުފްތީ އިސްމާޢީލް މެންކަށް ބޮޑުބޭބެ ވިދާޅުވާ ބޭފުޅެކެވެ. މަދީނާ ޔުނިވަރސިޓީން ކިޔަވާ ވިދާޅުވެފައިވާ ޝައިޚް އިބްރާހީމް މެންކް މީގެ ކުރިންވެސް ރާއްޖޭގައި ގިނަ ދަރުސްތަކެއް ވަނީ ދެއްވާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ